喺社會上，大眾一直都覺得多元人才*先係要被幫助嘅一群人，因為佢哋同一般人唔一樣，但當你體會過黑暗中對話就知道，事實並唔係咁，其實佢哋都係好出色好勇敢嘅人！可惜疫情下，黑暗中對話賽馬會對話體驗館被迫閉館，令到多元人才冇得發展所長，但家下有好消息！黑暗中對話賽馬會對話體驗館開館啦！而且最近更推出全港首個社福界NFT企劃！
NFT帶出多元人才的故事
更想了解多元人士嘅故事，你要留意黑暗中對話（香港）基金會推出嘅全港首個社福界NFT企劃！
基金會是次推出嘅NFT首批有6000枚，推出NFT係希望將多元人才及公眾社群連結至虛擬世界，真正實行多元共融無國界、無界限。而NFT嘅主角係Didog，設計概念源自多元人才嘅真實故事同拉布拉多導盲犬，所以每一個Didog NFT都有好獨特嘅故事，同時令大眾多一個方式去了解更多視障人士及聾人的能力和處境！
NFT劃分為珍珠級、寶石級及鑽石級，價錢約港幣500元至30,000元不等，NFT擁有者自動成為共融宇宙嘅會員，獲得專屬禮遇，好似會員活動及投票權、黑暗及無聲體驗館優惠、更有機會獲得暗中夜宴及音樂會等門票，做到多角度去感受多元共融！
今次企劃更係得到好多明人去支持，前財政司司長及薯片叔叔共創社創辦人曾俊華先生及支持基金會多年嘅陳志雲先生更分別於六月及七月與基金會合作推出特別版NFT！有興趣更了解多元人才嘅你就快啲去了解今次推出嘅NFT啦！
新角度去認識世界
日常生活中，我們都過份依賴雙眼，依家請你閉起雙眼一分鍾，喺呢一分鐘入面，請你嘗試運用你嘅聽覺、嗅覺同觸覺，重新去感受呢個世界，唔知你係呢一分鐘入面，你感受到啲乜呢？
有時候，我們對身邊嘅事物都太理所當然，「黑暗中對話之旅」就正正可以令你用新嘅角度去重新看待呢個世界，重新去「看」這個世界，相信我，你參加之後，對生活甚至生命重有的看法！
為咗令「黑暗中對話之旅」有啲神秘感，我就唔喺呢度多講活動嘅內容，只可以簡單分享一些少細節。在黑暗中對話賽馬會對話體驗館中，視障導賞員完全唔受影響，活動自如，反而係我哋就行步路都好辛苦，變得好笨拙，而且發現人一旦冇咗雙眼嘅幫助，其他嘅感覺會被放大，風吹下皮膚身上嘅感受同往日都唔一樣，手去觸摸物件嘅感覺都截然不同，少少嘅聲音都好似被放大千倍萬倍咁，甚至發現嗅覺都靈敏好多，原來要係完全黑暗嘅地方去行一段好短嘅路程都會咁吃力，同時你會發現原來一直都太過依賴雙眼。
完成整個體驗之後，當你雙眼可以「重見光明」嘅時候，你會突然好感恩自己所擁有的一切，原來唔係所有嘢都係必然，以及佩服導賞員嘅心態同能力。
睇到呢度嘅你，你係唔係對「黑暗中對話之旅」有好大嘅興趣呢？想重新感受世界？立即參加啦！唔好錯過呢個咁好嘅機會！
立即參加啦>https://www.hitchbond.com/event/192
*「多元人才」，係指社會上不同的殘疾人士 (People with Disabilities) （如視障人士、聾人等），佢哋都擁有獨特嘅能力，因此被稱為「多元人才」（People of Differences）。
